Бұл туралы Брюссельде өткен баспасөз маслихатында альянстың бас хатшысы мәлімдеді, деп хабарлайды «Хабар 24».
Йенс Столтенберг НАТО мен оның одақтастары Запорожье және Херсон облыстарын, өзін-өзі жариялаған Донецк және Луганск халық республикаларын Ресей аумағы деп санамайтынын кесіп айтты. Сондай-ақ Кремльдің соңғы шешіміне қарамастан, одақ Украинға көмек көрсете беретінін де жеткізді.
Айта кеткен жөн, бүгін Владимир Путин аталған 4 аймақты Ресей құрамына қабылдау туралы келісімшарттарға қол қойды. Осыдан кейін Украина шұғыл түрде НАТО мүшелігіне өтінім береді. Әскери блокқа мүше болу үшін оған кіретін 30 елдің қолдауы қажет.