Жапонияда құс тұмауына байланысты 10 миллиондай тауықтың көзі жойылды.
Бұл елде осы кеселге байланысты құстарды қырудың рекордты көрсеткіші болып отыр. Мәліметке қарағанда биыл құс тұмауы күншығыс елінің 47 префектурасының 23-інде тіркелген. Мысалы, Ибараки аймағында бір күнде 1 млн-ға жуық тауық бауыздалған. Мамандар індеттің өршуі жыл құстарынан болуы мүмкін деп отыр. Жапония Ауыл шаруашылығы министрлігі хабарлауынша, осыған ұқсас жағдай соңғы рет 2020-шы жылы тіркелген.