Ресейлік «Союз МС-23» ғарыш станциясымен сәтті түйісті

Ресейдің «Союз МС-23» кемесі Халықаралық ғарыш станциясымен сәтті түйісті, деп хабарлайды «Хабар 24».

Кеме жөндеу жұмыстарына қажетті жабдықтар, азық-түлік пен ғарышкерлерге арналған қорғаныш заттары – барлығы 430 келіден аса жүк жеткізді. Десе де, ұшқышсыз капсуланың негізгі мақсаты – ғарыш станциясында қалып қойған 3 ғарышкерді жерге жеткізу.

Естеріңізде болса, былтыр ресейлік «Союз МС-22» зымыранынан ақау шыққаны туралы хабарланған еді. Атап айтқанда, салқындату жүйесінен сұйықтық ағып, кемедегі температура көтеріліп кеткен болатын.