Израильде лаңкестер үшін өлім жазасы енгізілуі мүмкін

Үкімет комиссиясы тиісті заң жобасын мақұлдады. Аталған құжат енді 1 наурызда Парламент қарауына ұсынылады.

Алайда Біріккен Ұлттар Ұйымының құқық қорғаушылары Израильді бұл қадамнан бас тартуға шақырды. Өйткені ең қатал жаза ел аумағындағы азшылық топтарға қарсы әділетсіз қолданылуы ықтимал.

Айта кетейік, Израильде қазір мемлекетке сатқындық жасаған, геноцид тудырған және бүкіл адамзатқа қарсы ауыр қылмыстар жасаған адамдар ғана өлім жазасына кесіледі.