Рамазан айында ораза ұстаған жұрт аптап ыстықтан әбден әбігерге түскен, деп хабарлайды «Хабар 24».

Жоқшылыққа тап болған халық ауызашардағы тегін тамаққа қарап отыр. Азық-түліктің бағасы өсіп, аш құрсақ жүргендер көбейген. Былтыр құрғақшылықтан Сомалиде 43 мың адам қаза болды. Көз жұмғандардың жартысы – 5 жасқа жетпеген балалар. 

Хадик Мұхамед, жергілікті тұрғын:

- Былтыр Рамазан айы жақсы өткен еді. Биыл қымбатшылық қысып тұр. Тамақ жетпейді, балалар аш жатады. Мына лагерьде ыстық тамақ береді, соның арқасында күн көріп жүрміз. Жолдасымның тапқан нәпақасына аздап азық-түлік аламыз.