Үй-күйсіз адамдарды Парижден сыртқа көшіріп жатыр

Жазғы Олимпиада ойындары қарсаңында Париж полициясы қаңғыбастарды басқа жаққа көшіре бастады.

Гардиан басылымының дерегіне сәйкес, осы уақытқа дейін 12 мыңнан астам адам өзге жерлерге жіберілген. Олардың арасында пана сұраушылар мен нашақорлар да бар. Бұдан бөлек, тәртіп сақшылары рейд ұйымдастырып, қала көшелерін кезбелер түнейтін шатырлардан тазарту ісін қолға алған.