Аутизмді ерте анықтаудың тың әдісі табылды
Қытайда ғалымдар ересектер мен балалар арасында аутизмді ерте анықтаудың тың әдісін ойлап тапты.
Олар науқастардың ішек жолдарына талдау жүргізу арқылы ауруды алдын ала диагностикалауға болады дейді. Бұл емдеу орындарында қолданылатын ұзақ мерзімді процедураға қарағанда әлдеқайда жылдам жүзеге асырылады.
Мамандар 13 жасқа дейінгі 1600-ден астам балаға сынақ жүргізіп көрді. Зерттеу нәтижесі 82% дәл көрсеткен. Әсіресе төрт жасқа дейінгі балаларда жоғары тиімділікті байқатты. Енді ғалымдар бұл әдіспен ересектер арасында тәжірибе жасап көреді.