ҚХДР Оңтүстік Кореяға қоқыс толы шар ұшырды

Солтүстік Корея оңтүстіктегі бауырлас еліне тағы қоқыс толы шар ұшырды.

Бұл туралы Оңтүстік Кореяның «Йонхап» ақпарат агенттігі хабарлады. Күнгей елдің әскерилері тұрғындарға жерге құлаған шарларға жақындамауға кеңес берген. Әрі мұндай жағдайды бірден билік өкілдеріне айтуға шақырды. Жалпы Корей Халық Демократиялық Республикасы Оңтүстік Кореяға 28 мамыр мен 2 маусым аралығында 15 тонна қоқыс салынған шар жіберген.