Қытайдағы дауыл: миллиондаған тұрғын эвакуацияланды
Қытайдың оңтүстігінде дүлей дауыл тұрып, Гуандун мен Хайнань провинциялары қатты зардап шекті, деп хабарлайды 24KZ.
Соның салдарынан миллиондаған тұрғын қауіпсіз жерге көшірілді. Желдің екпіні сағатына 230 шақырымға жетеді. Қатты дауылдан үйлердің шатыры ұшып, қабырғалары сөгілген. Аймақтағы барлық электр желілері үзілді. Осыған байланысты мектептер жабылып, көлік қозғалысы тоқтады. Сондай-ақ әуе рейстері кейінге шегерілді. Сарапшылардың есептеуі бойынша «Яги» атты тропикалық циклон кейінгі 10 жылда болмаған. Айта кетейік, ай басында Филиппинде дәл осындай дауыл тұрып, 14 адам көз жұмды.