Жер бетінде жабайы жануар саны 73%-ға азайған

1970-2020 жылдар аралығында Жер бетіндегі жабайы жануарлардың саны 73 пайызға азайды.

Әсіресе Латын Америкасы мен Кәріб бассейні еллдеріндегі жағдай күрделі. Мұнда кейінгі жарты ғасырда жануарлардың саны 95 пайызға дейін қысқарған. Оған адамның іс-әрекеті, климаттың өзгеруі мен түрлі аурулардың таралуы себеп. Мамандар мұның бәрі болашақта азық-түлік қауіпсіздігі мен экономикаға кері әсер етуі мүмкін деп ескертеді. Десе де жақсы жаңалықтар да жоқ емес. 50 жылда Африкадағы тау гориллаларының популяциясы қалпына келе бастаған. Сонымен қатар бұрын жойылу қаупі төніп тұрған жабайы бизондар саны көбейген.