Газа секторында екі тәулікте елуден астам бала қаза тапты – ЮНИСЕФ
Израиль кейінгі екі тәулікте Газа секторының солтүстігінде Джабалия қаласына шабуыл жасап, салдарынан 50-ден астам бала қаза тапты.
Бұл туралы ЮНИСЕФ ұйымы хабарлады. Израиль әскері анклавтағы полиомиелитке қарсы егу орталығын бомбалаған. Соның салдарынан тағы 4 бала ауыр жарақат алды,- дейді ұйым өкілдері. Айта кетейік, былтыр қазаннан бері 43 мыңнан астам палестиналық қаза тауып, тағы 102 мың адам зардап шеккен. Ал Ливан денсаулық сақтау министрлігінің мәліметіне сәйкес, Израиль шабуылынан елде 3 мыңға жуық адам қайтыс болды. 13 мыңнан астамы жарақат алған.