Израиль Бейрут орталығын атқылады

Израиль Бейруттің орталығын тағы да атқылады.

Бұл жолы Израиль армиясының ұшақтары Баста ауданындағы 8 қабатты тұрғын үйге 4 зымыран ұшырды. "Әл-Джазираның" дерегіне сәйкес, одан 4 адам қаза тауып, 30-дан астам азамат жарақат алған. Қазір оқиға орнында құтқарушылар жүр. Мамандар қирандыларды аршып, зардап шеккендерді ауруханаларға тасып жатыр. Аталған телеарнаның хабарлауынша, жермен жексен болған ғимарат "Хезболла" қозғалысына тиесілі болған көрінеді. Израиль армиясы шабуылды тұтқиылдан жасап, осы ауданда өмір сүретін тұрғындарға алдын ала ескерту жасамаған. ЦАХАЛ бұл оқиғаға байланысты әзірге түсініктеме де берген жоқ.