Әлемдегі үздік қала анықталды

Лондон әлемнің ең үздік қаласы деп танылды.

"Зэ Уорлдс хандрэд бэст ситис" рейтингісінің нәтижесі осындай. Ұлыбритания астанасы бірінші орынды осымен оныншы рет иеленіп отыр. Сарапшылардың айтуынша, шаһар шетелдік инвесторлар, студенттер, туристер мен кәсіпкерлер үшін өте тартымды болуымен көзге түскен. Сондай-ақ оның тұрақты дамуы, экологиялық ахуалы мен қауіпсіздігіне де жоғары баға берілді. Екінші орында - Нью-Йорк. Бұл қала болса дамыған инфрақұрылым, қонақ үйлер мен мұражайлардың көптігімен  ерекшеленген. Үздік үштікте Франция астанасы Париж бар. Сарапшылар шаһарға туризмнен түскен табыстың артуын атап өтіп, темір жол қозғалысына жоғары баға беріп отыр. Ал рейтингтің алғашқы ондығына Токио, Сингапур, Рим, Мадрид, Барселона, Берлин мен Сидней кірді.