Израиль Сириямен шекаралас аймақты бақылауды күшейтті
Израиль әскері Сириямен шекаралас жатқан Голан жоталарындағы буферлік аймаққа жайғасты.
Аталған орын 1974 жылғы Израиль мен Сирия арасындағы соғыстан кейін құрылған. Сириядағы жағдайдың ушығуына байланысты, Израиль осы жердегі қауіпсіздікті күшейтіп, шекара маңындағы тұрғындардың амандығын қамтамасыз етпек. Жергілікті The Times of Israel басылымы, Израиль күштерінің Сириядағы қарулы қақтығысқа араласпайтынын мәлімдеді.
Голан жоталарында қазір қазақстандық бітімгершілік күштері де жүргені белгілі. "24KZ" редакциясы еліміздің Қорғаныс министрлігіне осы мәселе бойынша ақпарат сұрап хабарласқанын айта кетейік.