Газа секторында Израиль шабуылынан 33 палестиналық қаза тапты
Израиль әскері Газа секторының орталығындағы Нусейрат босқындар лагерін талқандады, деп хабарлайды 24kz.
Әуе соққыларынан 33 палестиналық қаза тапқан. Құрбандар арасында бірнеше бала бар. Тағы 40-тан астам тұрғын жараланды. Біразы қирынды астында жатыр. Бұл туралы Палестинаның Денсаулық министрлігі хабарлаған. Шабуыл салдарынан пошта мекемесі мен тұрғын үйлер қирады. Израиль билігі әзірге ешқандай түсініктеме берген жоқ.
Айта кетейік, Нусейрат – Газа секторындағы 1948 жылғы басқыншылықтан бері жұмыс істеп тұрған тарихи 8 лагерьдің біреуі.