11 шілдеде АҚШ-та планетамыздағы ең жоғары температура тіркелді. Рекорд Өлім алқабында тіркелген, ауа температурасы + 54°C-қа жетті. Бұл туралы Reuters жазды. АҚШ-тың Ұлттық метеоқызметі Өлім алқабында Фаренгейт бойынша 130 градус (+54°C) температураны тіркегені атап өтілді. Егер бұл көрсеткіш расталса, ол Жерде бұған дейін тіркелген барлық рекордты бұзады. АҚШ-тағы аптап ыстық елдің солтүстік-батысының басым бөлігін шарпыды.