Наталья Дубчак «АрселорМиталл Теміртау» АҚ-да 1998 жылдан бері жұмыс істейді. 11 жыл геодезия бөлімінде болған ол 2009 жылдан бастап жылу электр станциясына ауысты. Бүгінде ауысым басшысы қызметін атқарады. Станция Ертіс суын өңдеуден өткізеді. Суды тазартуға кеткен шығын, коллекторлар өндірісі жұмысына жұмсалған су, ондағы температураны бақылау, жылыту жабдықтарынан қанша көлемді бу алынатынын есептеп отыру Натальяның негізгі міндеті. «Бұл жұмыс өзіме ұнайды. Еңбек жолымды қарапайым аппаратшы қызметінен бастадым. Жұмыстың барлық кезеңдерінен өттім. Бұл менің жаныма жақын жұмыс», – дейді кейіпкеріміз.