«Астана Опера» өнерпаздары «Сириус – Роза Хутор» фестивалінде өнер көрсетті

Астана Опера артистері «Сириус – Роза Хутор» фестиваліндегі гастролін бастады.

Жерлес өнерпаздар француз композиторы Лео Делибтің «Коппелия» туындысын көпшілікке тарту етті.  Шығарманы сахнаға лайықтаған әйгілі балетмейстер Ролан Пети. Қойылым дирижері – Руслан Баймурзин. Фестиваль аясында көрермен классикалық және заманауи балет қойылымдарымен қатар, HasSak этно-фольклорлық ансамблінің өнерін тамашалай алады. Ал басты партияларды театрдың жетекші солистері Әйгерім Бекетаева, Арман Оразов және Олжас Тарланов орындайды. Халықаралық іс-шара 16 шілдеге дейін жалғасады.