389,65 428,03 6.01
+7 (7172) 757 485 24kz@khabar.kz
ҚАЗ


Бакуде Қазақстан мәдениеті мен әдебиет орталығы ашылды

  • 236
  • UPD: 20:38, 29.09.2019

Әзербайжан ұлттық кітапханасында Қазақстан мәдениеті мен әдебиетінің орталығы ашылды.

Жоба алтыншы Баку халықаралық кітап көрмесіннің аясында жүзеге асырылып отыр. Мұндай орталық әлемнің 30-дан астам елінде бар. Мақсат – қазақ халқының тарихы мен мәдениетін, салт-дәстүрін және әдебиетін кеңінен таныстырып, насихаттау. Мұнда қазақ, орыс және ағылшын тілінде жазылған кітаптар қойылды. Жалпы Әзербайжан ұлттық кітапханасына 200-ден астам кітап сыйға тарту етілген.

Әлия Қожабекова, ұлттық академиялық кітапхана директорының орынбасары:

– Біз осымен отыз үшінші елде Қазақстан мәдениеті мен әдебиеті бұрышын ашып отырмыз. Мемлекет басшысы «Әлемде танымал болу үшін мәдениетімізді насихаттауымыз қажет» деген еді. Міне Қазақстанның тарихын, мәдениетін, салт-дәстүрін, ғылымын, жетістіктерін осы кітаптар арқылы жеткізуді көздейміз. Оқырмандар іздеген кітаптарын табатын орталықтың пайдасы көп болар деп сенеміз.

Хабар 24 телеарнасы