376,09 420,09 6.11
+7 (7172) 757 485 24kz@khabar.kz
ҚАЗ


Құрманғазы оркестрі Бейжіңде концерт берді

  • 205
  • UPD: 10:28, 06.12.2019
Құрманғазы оркестрі Бейжіңде концерт берді

Құрманғазы атындағы қазақ мемлекеттік халық аспаптары академиялық оркестрі Қытай астанасында Ұлттық орындау өнері орталығының сахналарының бірінде өнер көрсетті, деп хабарлады ҚазАқпарат.

«Ұлы дала сазы» концерті «Әлемдік музыкалық топтамалар» жобасы аясында өтті. Концерттік бағдарламада қазақ және шетелдік композиторлардың туындылары, Құрманғазы, Түркеш, Н.Тілендиев, Дәулеткерей, Абай, Моцарт, Брамса және тағы басқалардың шығармаларын көрерменге паш етті.

ҚХР-дағы ҚР елшісі Ғабит Қойшыбаевтың атап өтуінше, «біз екіжақты мәдени байланысты дамытуға үлкен мән береміз. Құрманғазы оркестрінің шығармашылық ұжымы осы маңызды халықаралық музыкалық шараға қатысқанына өте қуаныштымыз. Қытайлық көрермендер Қазақстанның бай мәдениетімен таныса алды.

«Қытай халқы бізді, музыкамызды және қазақ композиторларының туындыларын жақсы және жылы қабылдады. Әсіресе, «Дудар-ай» халық әні қатты ұнады», - деп ой бөлісті оркестр солисі Фархат Кубиев.

Құрманғазы атындағы қазақ мемлекеттік халық аспаптары академиялық оркестрінің директоры Қуанышбек Мұханғалиевтің айтуынша, концерт жоғары деңгейде өтті.

«Желтоқсанның соңында ұжым Ташкентте өтетін Өзбекстандағы Қазақстан жылының жабылу салтанатына қатысады. Келесі жылы Абай Құнанбаевтың 175 жылдығы аясында еуропалық және азиялық турне өтеді», - деп атап өтті оркестр басшысы.

Хабар 24 телеарнасы