421,58 498,90 5.57
+7 (7172) 757 485 24kz@khabar.kz
ҚАЗ


Атырау облысындағы қорғаннан жарты мың жәдігер табылды

  • 240
  • UPD: 22:32, 18.08.2020
Атырау облысындағы қорғаннан жарты мың жәдігер табылды

Атырау облыстық тарихи өлкетану музейінің қызметкерлері археологиялық экспедиция барысында 560 көне жәдігер тапты.

Оның 96-сы таза алтыннан құйылған. Қазба жұмыстары Қызылқоға ауданы Миялы ауылы тұсында жүргізілген болатын. Қазылған қорған екі қабаттан тұрады. Оның алғашқы қабаты біздің дәуірімізге дейінгі екінші ғасыр-сарматтар дәуіріне тиесілі. Мамандар табылған мұрғаттарды екі бөлікке бөліп зерттеп жатыр. Алдыңғысы біздің дәуірімізге дейінгі екінші ғасырды қамтыса, үстіңгі қабат он бірінші ғасырға тән. Қызылқоға ауданынан табылған жәдігерлердің ішінде күмістен соғылған әйел адамның әшекейі мен темір қайшы және шыны құты ғалымдардың назарын аударып отыр. Бұйымдардың жоғары сапасы сол дәуірде Солтүстік Каспий маңын мекендеген тайпалардың озық қолөнері  болғанын айғақтайды. Сол заманда шет жұртпен сауда-саттықтың да дамығанын байқауға болады.

Ерлан Тілекқабыл, облыстық тарихи-өлкетану музейінің ғылыми қызметкері:

- Безендірулері арқылы біз оның өте жақсы дамығанын көре аламыз. Және де астыңғы бөлігінен, яғни жер бетінен тереңдікте 1,10 м сарматтық бұйымдардың  табылуы алтын жапсырмалар, және бұрын кездеспеген әйнектің шығуы, Византиядан, Қытайдан импорттық тауарлар келуі мүмкін.

Хабар 24 телеарнасы