430,99 515.14 5.69
+7 (7172) 757 485 24kz@khabar.kz
ҚАЗ

Алматыда «Маска» музыкалық шоуының қазақстандық нұсқасының тұсаукесері өтеді

  • 143
  • UPD: 17:48, 16.03.2021
Алматыда «Маска» музыкалық шоуының қазақстандық нұсқасының тұсаукесері өтеді

18 наурыз күні 16:00-де Алматы қаласындағы «Атакент» көрме орталығында «Маска» музыкалық шоуының қазақстандық нұсқасының тұсаукесері өтеді.

Шара аясында «Хабар» телеарнасының директоры Динара Бисембина және вокалдық байқаудың қазылар алқасының мүшелері Ерке Есмахан, Мейіржан Төребаев, Жанар Айжанова және Марат Оралғазиннің қатысуымен баспасөз отырысы ұйымдастырылады.

Естеріңізге сала кетейік, 21 наурыз күні сағат 19:15-те «Хабар» телеарнасында әлемнің 50-ден астам елінде танымал болған «Маска» музыкалық шоуының тұсаукесері өтеді.

Жоба продюсері – Гүлнұр Мамасарипова.

Бағдарламаның басты идеясы – масканың астында кімнің  жасырынып тұрғанын табу керек. Қатысушылар арасында музыканттар, актерлер, тележүргізушілер, вейнерлер, әзілқойлар мен спортшылар бар. Бірақ оларды тану қиын, өйткені қатысушылардың жүздері эксклюзивті маскалармен жасырылған. Конкурс қатысушыларының шын есімдері сайыстан шығып қалып отырған кездерінде ғана белгілі болады. Әр шығарылымда қазылар алқасының мүшелері жобадан шығатын қатысушыны таңдап алуы керек. Жобадан  кетер кезде олар маскаларын шешіп, өздерінің кім екенін көрсетеді. Қазылар алқасы мен көрермендердің болжамдары түбінде дұрыс болмауы мүмкін. Қызыққа толы интрига финалда үш қатысушы қалғанша, үш ай бойы жалғасады. Тек бір қатысушы жеңімпаз атанады.

Хабар 24 телеарнасы