433,40 515.14 5.59
+7 (7172) 757 485 24kz@khabar.kz
ҚАЗ

Әл-Фарабидің музыкалық аспаптары елге жеткізілді

  • 58
  • UPD: 14:25, 06.04.2021
Әл-Фарабидің музыкалық аспаптары елге жеткізілді

Әл-Фарабидің екі бірдей музыкалық аспабы Мысыр елінен туған жері Отырарға жеткізілді, деп хабарлайды «Хабар 24».

Әл-Канун мен Ребаб деп аталатын аспаптар бүгін Отырар мұражайына салтанатты түрде табысталды. Мысыр жеріне сапарлап барған мәдениет қызметкерлері ғұлама ғалымның 40-қа жуық музыкалық шығармасының нотасын да ала келіпті. Ал көне жәдігерлерді елге жеткізуге Қазақстанның Мысырдағы елшілігі мұрындық болған. Іс-шара барысында мәдениет саласының өкілдері балаларға екі аспапты үйрететін үйірмелер ашылатынын атап өтті. Сондай-ақ музыкалық шығармалары да облыстық ұлттық саз аспаптары оркестрі тарапынан сүйемелденетін болды. Осылайша, қос инструмент ұлттық аспаптар қатарына енгізіліп, барша Қазақстан мен түркі елдеріне кеңінен насихатталмақ.

Асылхан Темірхан, облыстық мәдениет басқармасы басшысының орынбасары:

- Ондай аспапты біз бұрын көрген емеспіз. Осы екі аспапты он данадан шеберлерге тапсырыс беріп, шығарып, балаларға үйрету мәселесі. Балаларымыз үйренгеннен кейін ол тек үйірме болып қалмайды, ансамбль болып құрылады.

Хабар 24 телеарнасы