426,32 496.50 6.01
+7 (7172) 757 485 24kz@khabar.kz

Е.Тоғжанов Орал қаласында өнер сарайының ашылуына қатысты

  • 116
  • UPD: 12:52, 11.10.2021
Е.Тоғжанов Орал қаласында өнер сарайының ашылуына қатысты primeminister.kz

Батыс Қазақстан облысы бойынша жұмыс сапары аясында ҚР Премьер-Министрінің орынбасары Ералы Тоғжанов «Атамекен» өнер сарайының салтанатты ашылуына қатысты, ол облыс орталығында орналасқан барлық көркемөнер ұжымдарының, мәдениеттің барлық бағыттарының өкілдерінің басын қосады.

1120 орындық сарайдың концерт холлында Дәулеткерей атындағы қазақ халық аспаптары оркестрінің, Батыс Қазақстан облысы әкімінгің эстрадалық-симфониялық оркестрінің және Орал қаласының орыс халық аспаптары оркестрінің орындауында отандық және әлемдік классиктердің атақты шығармалары орындалды.

Қазақстанның көрнекті мәдениет қайраткерлері Айман Мұсақожаева, Біржан Хасанғалиев, Дина Хамзина, Нұрлан Бекмұхамбетов, Жанна Орынбасарова, Елена Низамутдинова және Жұлдызбек Өтешқалиев меймандарға өз өнерлерін паш етті. Әртістер концерт залында жасалған акустиканың ерекшелігін атап өтті.

Орталықтың ауқымды картина галереясында Нидерланд және Италия суретшілері жұмыстарының көрмесі, сондай-ақ БҚО облыстық тарихи-өлкетану мұражайының экспозициясы орналасқан. Мұнда облыс, ел суретшілерінің суреттері және халықаралық авторлардың қылқалам туындылары ұсынылады.

«Атамекен» өнер сарайында концерттер мен көрмелер ғана емес, халықаралық форумдар мен басқа да бұқаралық мәдени іс-шараларды өткізу жоспарланған.

Ақпарат көзі: primeminister.kz

Хабар 24 телеарнасы