Классикалық стилдегі костюм-шалбар, қымбат әтір құтысы, алтын, күміс қасықтар. Бұның бәрі тумысынан сері атанған Сәкен Сейфуллиннің қолданған жеке заттары. Енді бұл жәдігерлерді үнемі ақынның өз атындағы музейінен көруге болады, деп хабарлайды «Хабар 24».
Несіпбек Айтұлы, Сәкен Сейфуллин музейінің басшысы:
- Барлығы біздің музейдің балансына көшірілді. Міне бүгін музейдің қуанышты күні. Сәкеннің барлық дүниелері жинақталып өзінің музейіне келді. Бұны сүйінші сұрап, халыққа неге айтпасқа? Бұл да бір үлкен оқиға.
1973 жылы ақынның жары Гүлбаһрам дүниеден өткеннен кейін оның туыстары Сәкен Сейфуллинге тиесілі жәдігерлерді Алматы музейіне табыстаған. Елордадағы қазіргі музейі 1988 жылы ашылды. Алайда тау тұлғаның қолданған заттары осыған дейін тек орталық музейдің меншігінде қалған. Ал, оларды осы музейге алдыру үшін бірнеше мәрте келіссөздер жүргенімен, міне нәтижесі 34 жылдан кейін көрінді.
Роза Асылбеков, Сәкен Сейфуллин музейінің алғашқы директоры:
- Алғашқыда музейдің қоры өте аз болды. Есімде 260-тай ғана қор болды. 02,16 ылғи суреттермен безендірілді. Аз ұжыммен біз Сәкеннің мұраларын іздеуге кірістік. 04,10 Музейдің қорын жинауға бізге көп адамдар көмектесті.
Сәкен Сейфуллин музейі бас қаладағы ХХ ғасыр басында салынған ғимаратта орналасқан. Осыдан 34 жыл бұрын саусақпен санарлық қана экспонатпен ашылған Сәкен музейі, бүгінгі күні жеті мыңнан астам жәдігерлер әлеміне айналған. Бұл қара шаңырақ ақынның қамшының сабындай ғұмырынан сыр шертіп тұр.
Авторлары: Айнұр Қуатқызы, Қанат Махмұдов