Бүгін Астанада балдырғандарға ән арнаған үздіктер анықталды, деп хабарлайды «Хабар 24».
Байқауды Балалар жылына орай «Қазақстан» телерадиокорпорациясы жариялаған болатын. Өнер бәйгесіне елдің барлық аймағынан 60-қа жуық автордан 109 ән келіп түскен. Соның ішінде 5 ән ең үздік деп таңдалды. «Қуыршағым», «Жау, жаңбыр!», «Балапаным» , «Әңгелек» және «Көкорай көктем» әндеріне арнайы бейнебаян да түсірілді.
Ләззат Танысбай, «Қазақстан» телерадиокорпорациясының басқарма төрайымы:
– Қазақ тілінде жазылған балаларға арналған әндер жоқтың қасы. Балабақша, мектепте болсын бұл үлкен проблема. Сондықтан біз көктемде осындай сайыс жарияладық. Бұл байқауға кәсіби деңгейдегі мамандар қазылық етті.