Дәстүрлі өтетін «Жас сарбаз» әскери-патриоттық жиыны басталды, деп хабарлайды «Хабар 24».
Биыл 150 өрен қатысуға ниет білдірген. Олар үш күн әскери дайындықтан өтіп, түрлі жаттығулар жасайды. Соңында жеңімпаздар анықталып, марапатталады.
Айта кетейік, іс-шара қалалық әкімдіктің қолдауымен өткізіліп отыр.
Жасөспірімдер кезекті дала жиынында бас қосты. 12-18 жас аралығындағы өрендердің әскери-патриотттық жарысының ашылу салтанаты болды. «2018 жылы басталған жоба нәтижесіз емес», — дейді ұйымдастырушылар.
Асхат Налшыбек, «Жас сарбаз» әскери-патриоттық қозғалысы РҚБ Астана қалалық филиалының төрағасы:
- Бүгінгі дала жиынында жасөспірімдер жастар кермеде тартылу, қыздар престен жүгіруден, әскери эстафетадан жарыстар өтеді. Үздік танылған взвод бөлім міндетті түрде Мемлекет басшысы қатысатын «Айбын-2023» жиынына жолдама алатын болады.
Студенттерде тіпті мектеп оқушыларында қызығушылық басым. Себебі үлгі тұтар генерал, майорлар бар. Өз тәжірибелерімен бөлісіп, аға-буын әрдайым қолдау білдіреді.
Бақытжан Ертаев, Халық қаһарманы:
- Бұл дайындықтарың Отанымыздың күшейгенін білдіреді. Демек Отанымыздың абыройы көтерілгені. Болашағымыз сендер! Біз бір-бірімізбен мақтанып жүруіміз керек.
Әскери-патриоттық жиын үш күнге созылады. Белсенді қатысқандарға алғыс хаттар табысталып, «Айбын-2023» жиынына жолдама беріледі.