387,34 428,00 6.02
+7 (7172) 757 485 24kz@khabar.kz
ҚАЗ


Елордалық кәсіпкерлерге жекеменшік балабақша ашу жолдары түсіндірілді

  • 1382
  • UPD: 15:32, 28.02.2017
Елордалық кәсіпкерлерге жекеменшік балабақша ашу жолдары түсіндірілді фото: info-tses.kz

Астана қаласы әкімдігінің баспасөз қызметі хабарлайды.

Астанада елордалық Оқушылар сарайының базасында жекеменшік балабақша ашуға ниет танытқан бизнес-қоғамдастық өкілдері үшін «МЖӘ шеңберінде мектепке дейінгі ұйымдарды ашу бойынша кәсіпкерлердің бастамаларын құқықтық және косультациялық қолдау» тақырыбында ашық есік күндері өтті.

Шараны елорда әкімдігінің қолдауымен Білім басқармасы Кәсіпкерлік және өнеркәсіп басқармасымен бірлесе отырып ұйымдастырды.

Сонымен бірге кәсіпкерлерге Қазақстандық мектепке дейінгі ұйымдар қауымдастығының, Бас прокуратураның, «Атамекен» ҰКП, «Даму» кәсіпкерлікті дамыту қоры» АҚ, Қаржы, Ауыл шаруашылығы, Ұлттық экономика министрліктерінің және екінші деңгейді банктердің құрылымдық бөлімшелерінің мамандары «бір терезе» қағидаты бойынша қызмет көрсетеді.

Таңғы сағат 9-дан бастап жекеменшік мектепке дейінгі ұйым ашуға ниетті кәсіпкерлерге аталған ұйымды ашу әрекеттерінің кезектілігі туралы ақпарат берілуде. Сондай-ақ бизнесмендерге мектепке дейінгі мекемені ашу және оның ары қарай жұмыс істеуі үшін қойылатын талаптардың тізімі, мектепке дейінгі тәрбие мен оқытуға мемлекеттік білім тапсырысын орналастыру ережелері түсіндіріліп, сондай-ақ «Бизнестің жол картасы-2020» бағдарламасы шеңберінде балабақшаларды қолдау және дамыту бойынша консультациялар берілуде. Қызығушылық танытқан тұлғалардың дені – әйелдер, - дейді шараның ұйымдастырушылары.

«Астана қаласының әкімдігі бірнеше бағдарламаны іске қосты, солардың бірі – «Старт-бизнес Астана». Аталған бағдарламаның шеңберінде ісін енді бастаған кәсіпкер екінші деңгейлі банктерден 8/5% мөлшерлемемен несие ала алады. Оған қоса, «Бизнестің жол картасы-2020» шеңберінде мектепке дейінгі оқуды ұйымдастыру жобасын іске асыруда көмек көрсете аламыз. Сондай-ақ егер кәсіпкер балабақша салса, жол картасының шеңберінде оған барлық мемлекеттік органдардың тексерісінен өткен соң тегін инфрақұрылым беріледі. Мемлекеттік-жекеменшік әріптестіктің шарттары өзара тиімді. Мемлекет балаларды қамтиды, жаңа жұмыс орындары ашылады, салық түседі, ал кәсіпкер өз бизнесін дөңгелетіп, кірісін көбейтіп, мүмкіндіктерін арттырады», - дейді Кәсіпкерлік және өнеркәсіп басқармасы басшысының орынбасары Әлия Қожабаева.

Ведомство мамандарының айтуынша, бүгінгі күні Астанада «Бизнестің жол картасы-2020» бағдарламасы шеңберінде мемлекеттен қолдау тапқан 30-дан аса мектепке дейінгі мекеме жұмыс істейді. Олардың ішінде 3 млн теңге көлемінде қайтарымсыз мемлекеттік грантқа ие болған бір жоба бар.

Атап кеткен жөн, акция өткен бір сағаттың ішінде мамандарға жүзден аса кәсіпкер жүгінді. Азаматтардың белсенділігін ескере отырып, елорда әкімдігі мұндай шараларды жүйелі түрде өткізіп тұрмақ.

Хабар 24 телеарнасы