«АЗЕРТАДЖ» ақпарат агенттігі Қазақстанға келіп жатқан туристер санының өсе түскенін хабарлады

Астанада «Болашақ энергиясы» тақырыбында өтіп жатқан «ЭКСПО-2017» көрмесіне күннен күнге көрермендер қызығушылығы артып келеді.

Әзербайжанның «АЗЕРТАДЖ» көрнекті ақпарат агенттігі елге келіп жатқан туристер санының өсе түскенін хабарлайды. Павильондарға мыңнан астам адам келді. Ең қызықты алаң – қазақстандық «Нұр Әлем» павильоны болды. «Көрме мұндай нәтижеге алғашқы 10 күннің өзінде-ақ жетті. Мұндай қарқынмен 9 қыркүйекке дейін жалғасатын ЭКСПО көрмесіне келушілердің саны алдын ала болжамнан асып түсуі мүмкін», – дейді мақала авторы.

АҚШ, Франция, Германия, Жапония секілді дамыған елдермен қатар «ЭКСПО-2017» көрмесінің Қазақстанда өтуі аймақтың энергетика саласындағы серіктестігін нығайтуға серпіліс бермек. Сонымен қатар көрме халықаралық энергетикалық қауіпсіздікті қамтамасыз ету жөніндегі диалогты құру үшін барынша жағдай жасайды. Бұл – бірнеше ай бойы энергетикалық саясат және реформа секторын қарастыратын халықаралық алаң.