389,86 435,60 6.11
+7 (7172) 757 485 24kz@khabar.kz
ҚАЗ


Алматыда 185 мың адам МӘМС аясындағы дәрігерлік көмектен қағылуы мүмкін

  • 331
  • UPD: 12:39, 28.06.2018
Алматыда 185 мың адам МӘМС аясындағы дәрігерлік көмектен қағылуы мүмкін Kazgazeta.kz

Алматыда 185 мың адам Міндетті әлеуметтік медициналық сақтандыру жүйесі (МӘМС) аясында мәртебесін анықтамаған.

Сол себепті жүйе енгізілген соң МӘМС аясындағы медициналық көмектен қағылуы мүмкін. Бұл туралы қалалық Мемлекеттік кірістер департаментінің баспасөз қызметінен мәлім етті, деп хабарлайды ҚазАқпарат.

Департамент мамандарының айтуынша, қазір елде МӘМС жүйесі кезең-кезеңімен енгізіліп келеді. Дәл қазір жұмыс берушілер жұмысшыларына өздері төлем жасап отыр. Кейін МӘМС аясында жеке кәсіпкерлер, нотариустар, жұмысшылардың өздері үшін төлейтін болады.

«Жыл басынан бері 57,7 мың адам мәртебелерін бекітті. Оның ішінде 24 мың адам жалдамалы жұмысшы ретінде немесе жеке кәсіпкер ретінде тіркелді. Бірақ қазір Алматы бойынша 185 мың тұлға өз мәртебесін анықтамаған. Бұл азаматтарға МӘМС аясында медициналық көмектен қағылу қаупі бар. Ол үшін ресми жұмыс жасамайтын адамдар еңбек келісімшартын жасауы тиіс. Кәсіпкерлікпен айналысатын болса, салық органдарына тіркелуі керек. Егер адам жұмыссыз болса, жұмыспен қамту органдарына жазылуы қажет. Құзырлы органдар жұмыссыздарды оқытып, жұмысқа тұруына септігін тигізеді. Алматы тұрғындары мәртебесін қалалық Жұмыспен қамту орталығына 8 (7173) 41 04 60 телефонына хабарласу арқылы біле алады», – деді қалалық департаменттен.

Хабар 24 телеарнасы