369,01 417.85 5.52
+7 (7172) 757 485 24kz@khabar.kz
ҚАЗ

Алматы облысында пара алу дерегі бойынша 45 қылмыс әшкереленді

  • 497
  • UPD: 17:25, 25.07.2018
Алматы облысында пара алу дерегі бойынша 45 қылмыс әшкереленді

Алматы облысында лауазымды тұлғалардың пара алу дерегі көбейіп барады.

Сыбайлас жемқорлыққа қарсы іс-қимыл бюросының Алматы облыстық департаментінің мамандары алғашқы жартыжылдықта осындай 45 қылмысты әшкерелеген. Бұл өткен жылмен салыстырғанда 10 пайызға көп. «Өйткені мемлекеттік қызметкерлер мердігерлерден көбіне атқарылған жұмыс актісінің жалпы құнында көрсетілген ақшаның белгілі бір бөлігін талап етеді», – дейді департамент басшысы Данияр Тұрғанбаев. Өткен алты айдың қорытындысы бойынша 89 заңбұзушылық анықталса, соның 80-і жең ұшынан жалғасқан жемқорлыққа қатысты. Қылмыстың дер кезінде ашылуының арқасында қазынаға 97 млн теңге қайтарылған. Ведомствода кәсіпкерлер құқының қорғалуына үлкен басымдық берілген. Алматы облысында кәсіпкерлік нысандарының жұмысына заңсыз араласу бойынша 6 дерек тіркеліп, 1 лауазымды қызметкер сотпен жауапкершілікке тартылды.

Данияр Тұрғанбаев, СЖҚІҚ бюросы Алматы облыстық департаментінің басшысы:

- Жемқорлықтың алдын алу мақсатында 59 жиналыс өткіздік. Негізгі біздің парақорлықпен көбірек кездесеміз. Мысалы, биылғы жартыжылдықты айтсақ, 45 факті әшкерелеп отырмыз. Соның өзінде 40 адам, 40 мемлекеттік қызметкер парақорлықпен ұсталып отыр.

Осы категория бойынша: « Қостанайда тұрғындарды алдап келген алаяқтың үстінен қылмыстық іс қозғалды Анықтамаларды смартфон арқылы алуға болады »
Серіктестер жаңалықтары
Хабар 24 телеарнасы