374,05 425.15 5.62
+7 (7172) 757 485 24kz@khabar.kz
ҚАЗ

Алматы облысында жоғалған баланың неліктен көз жұмғаны анықталды

  • 393
  • UPD: 13:30, 30.07.2018
Алматы облысында жоғалған баланың неліктен көз жұмғаны анықталды

Алматы облысында жоғалған 7 жасар баланың көз жұмған уақыты белгілі болды.

2 апта бұрын тауда адасып кеткен Ернұр Сәдуақас сол күні түнде көз жұмған. Бұл туралы Алматы облысы ІІД баспасөз қызметінің басшысы Сергей Незнаев хабарлады.

«Медициналық сараптаманың ресми қорытындысына сәйкес Ернұр Сәдуақас жоғалған күнгі түні  қайтыс болған. Таулы аймақ болғандықтан жаңбыр жауып, күн салқындаған. Балаға 14-нен 15 шілдеге қараған түні суық тиіп, көз жұмған. Құтқарушылар мәйіт жатқан аумақты бір емес, бірнеше рет тінтіген. Алайда адам бойымен бірдей итмұрынның қалың бұталары арасына кіру мүмкін болмаған», - деді Сергей Незнаев.

Еске сала кетсек, 14 шілде күні жоғалған Ернұр Сәдуақастың мәйіті екі аптадан соң Жамбыл ауданы Ынтымақ ауылынан 8 шақырым жердегі тау баурайынан табылған еді.

Осы категория бойынша: « Таразда тараптардың сотқа дейін татуласу мәселесі талқыланды Қарағанды облысында жараланған әскери қызметкер ауыр халде жатыр »
Серіктестер жаңалықтары
Хабар 24 телеарнасы