374,05 425.15 5.62
+7 (7172) 757 485 24kz@khabar.kz
ҚАЗ

«7-20-25» бағдарламасы аясында екі бөлмелі пәтерлерге сұраныс артып тұр

  • 375
  • UPD: 11:49, 13.08.2018
«7-20-25» бағдарламасы аясында екі бөлмелі пәтерлерге сұраныс артып тұр Kn.kz

«7-20-25» бағдарламасы бойынша алынатын баспананың орташа аумағы 62 шаршы метрді құрады.

Бұл туралы «Баспана» ипотекалық ұйымының баспасөз қызметі хабарлайды. Нарықты зерттеу нәтижесінде аумағы 62 шаршы метр баспананың негізінен екі бөлмелі пәтерлер екені анықталды.

Сонымен бірге «7-20-25» бағдарламасы арқылы сатып алынатын баспананың орташа құны да есептелді. Қазіргі таңда ол көрсеткіш 14 миллион 68 мың теңгені құрайды.

Қарыз алушының ортақ сипаты да белгілі болды. Ол – Қазақстан Республикасының азаматы, жас шамасы 24 пен 40 жас аралығында, отбасының ай сайынғы табысы 200 мың теңге көлемінде.

«Қазіргі таңда бағдарламаға қатысқан көптеген азаматтардың өтініштері мақұлданғанын байқап отырмыз. Ол «7-20-25» бағдарламасының көкейкестілігін, дер кезінде қолға алынғандығын және әлеуметтік бағытын айқын дәлелдейді», - деді «Баспана» ипотекалық ұйымының Басқарма төрағасы Қайрат Алтынбеков.

Қайрат Алтынбековтың сөзінше, жылдық үстемесі 7% болатын «7-20-25» ипотекасының ай сайынғы төлемі пәтерді жалға алып тұрғаннан арзан шығады.

«Пәтер жалдағаннан көрі өз баспанаңда тұрғанға не жетсін», - деп қайырды Қайрат Алтынбеков. 

13 тамыз күнгі жағдай бойынша Қазақстан халқынан бағдарламаға қатысуға 15,4 млрд теңге сомасына 1323 өтініш келіп түскен. Оның жалпы сомасы 9,7 млрд теңгені құрайтын 843 өтініші банктер тарапынан мақұлданды.

Қазіргі таңда «7-20-25» бағдарламасының ипотекалық несиесін Центркредит банкі, АТФБанк, Bank RBK мен ЦеснаБанк арқылы алуға болады.

Осы категория бойынша: « 28 жыл бұрын перзентханада егізінен айырылған қазақстандық бауырын іздеп жүр Оралда SMS BUS жүйесі жұмысын бастады. »
Серіктестер жаңалықтары
Хабар 24 телеарнасы