384,59 430.70 6.11
+7 (7172) 757 485 24kz@khabar.kz
ҚАЗ


Қазақстантандық чаттарда ҰБТ туралы жалған ақпарат таратылуда

  • 612
  • UPD: 14:50, 23.10.2018
Қазақстантандық чаттарда ҰБТ туралы жалған ақпарат таратылуда o-viber.ru

Қазақстандық чаттарда оқушылардың білімдерін бағалау жүйесі туралы жалған ақпарат таратылуда.

Ресейлік «Панорама» сатирикалық басылымының сайтында 76 жастағы алаяқ АҚШ-та 1980 жылдары бірыңғай мемлекеттік емтиханға ұқсас оқушылардың білімдерін бағалау жүйесін тауып, енгізген Инвар Джонсонге қатысты атышулы сот процесі аяқталғандығы туралы мақала жарияланды. Бұл жаңалықты фактчекингке тексеру барысында ақпарат жалған екені анықталып, Инвар Джонсон есімді адамның жоқ екендігі белгілі болды. Америкалық сайттарда да бұл жаңалық жарияланбаған. Сарапшылардың пікірінше, аталмыш жалған ақпараттың таратылу мақсаты – Ресейдегі бірыңғай мемлекеттік емтихан, яғни тестілеу жүйесінің беделін түсіру. Жалған ақпараттың қазақстандық чаттарда таратылу мақсаты да – тұрғындардың ҰБТ-ға деген сенімділігін азайту болып табылады.

«Джонсонның еңбектерінің бірінде суреттелген оқушылардың білімдерін бағалау жүйесі федералдық білім Министрлігі жүргізген реформаның негізіне айналды. Кейін бұл жүйені басқа да мемлекеттер пайдалана алды, олардың қатарында Ресейде пайдаланылып жүрген бірыңғай мемлекеттік емтихан да бар», - делінген мақалада.

«Құрметті ата-аналар мен әріптестер! Сенімсіз ақпарат көздеріне сенбей, ақпараттық кеңістікте абай болуларыңызды сұраймыз», - деп хабарланды баспасөз қызметінен.

Ақпарат көзі: ҚР БҒМ баспасөз қызметі

Хабар 24 телеарнасы