383,01 431.47 6.11
+7 (7172) 757 485 24kz@khabar.kz
ҚАЗ


Жеке кәсіпкерлер үшін сақтандыру жарнасының мөлшерлемесі қысқарды

  • 520
  • UPD: 14:57, 17.01.2019
Жеке кәсіпкерлер үшін сақтандыру жарнасының мөлшерлемесі қысқарды camonitor.kz

Міндетті әлеуметтік медициналық сақтандыру заңына өзгерістер енгізілді.

Ол бойынша жеке кәсіпкерлер төлейтін жарна мөлшерлемесі қысқартылды. Бұл туралы «Әлеуметтік медициналық сақтандыру қоры» КЕАҚ Алматы қалалық филиалы директоры Тілеухан Әбілдаев хабарлады.

Айтуынша, заңның алдыңғы нұсқасы бойынша жеке кәсіпкерлер 2020 жылдан бастап Қорға ай сайын 2 ең төменгі жалақының (ЕТЖ) 5% аударуы тиіс болатын. «Соңғы өзгерістер бойынша кәсіпкерлер 1,4 ең төменгі жалақының 5% аударуы тиіс. Ал салықтық есеп тапсыруды тоқтатқан жеке кәсіпкерлер 1 төменгі жалақының 5% аударатын болады. Бұл санаттағылардың бәрі жарнаны 2020 жылдан бастап аударады», - деп түсіндірді Тілеухан Әбілдаев.

Естеріңізге сала кетсек, биыл МӘМС жарнасын тек жұмыс берушілер ғана төлейді. Олар төлейтін аударым сомасы жұмыскер табысының 1,5% тең. Сонымен қатар, жарна алынатын табыстың максималды мөлшері де қысқартылды. Бұрын 15 ең төменгі жалақыдан асқан табыстан зжарна аударылмайтын болса, қазір бұл көрсеткіш 10 ЕТЖ дейін қысқартылды.

Хабар 24 телеарнасы