380,56 429.20 5.98
+7 (7172) 757 485 24kz@khabar.kz
ҚАЗ


Жоғарғы сот Челахтың үкімін өзгеріссіз қалдырды

  • 525
  • UPD: 11:47, 22.01.2019
Жоғарғы сот Челахтың үкімін өзгеріссіз қалдырды

Жоғарғы соттың сот алқасы өмір бойына сотталған Владислав Челахтың арызын қарап шықты, деп хабарлайды Tengrinews.kz.

Жоғарғы сот кассациялық сот алқасы қылмыстық іс бойынша барлық сот актісін өз күшінде қалдырды, ал Владислав Челахтың арызын қанағаттандырусыз қалдырды.

Жоғарғы соттың қылмыстық істер жөнінде сот алқасы үкім шығарды. «Алматы қаласы қылмыстық істер жөніндегі ауданаралық мамандандырылған әскери сотының Челах Владислав Валерьевичке қатысты шыққан үкімін өзгертусіз қалдырылсын. Түсіндіріліген үкім сотталушы Челахқа және процеске қатысушы барлық мүшесіне жіберіледі», – деді Жоғарғы сот қылмыстық істер жөніндегі сот алқасының судьясы Абай Рахметулин.

Еске салайық, 18 қаңтарда Қазақстанның Жоғарғы соты Владислав Челахтың ісін қайта қарайтыны хабарланды. Владислав Челах БҰҰ-ның Адам құқықтары жөніндегі комитеті шығарған үкім заңды күшіне енген соң Жоғарғы сотқа өтініш түсірді.

Еске салайық, сот шекарашыны өмір бойына бас бостандығынан айырған болатын. Челах 2012 жылдың мамыр айында «Арқанкерген» шекара бекетінде 14 қызметтесі мен бір орманшыны өлтірді деп айыпталды. Апелляциялық және кассациялық сот алқасы оның үкімін өзгеріссіз қалдырды. Сотталушы Қостанай облысында жазасын өтеп жатыр.

Хабар 24 телеарнасы