384,59 430.70 6.11
+7 (7172) 757 485 24kz@khabar.kz
ҚАЗ


Алматыда букмекерлік кеңсе күзетшісін сабап кеткен күдіктілер ұсталды

  • 439
  • UPD: 18:40, 04.02.2019
Алматыда букмекерлік кеңсе күзетшісін сабап кеткен күдіктілер ұсталды

Алматының Әуезов ауданындағы букмекерлік кеңсені тонамақ болған үш күдікті ұсталды, деп хабарлайды ҚазАқпарат Алматы қаласы Полиция департаментінің баспасөз қызметіне сілтеме жасап.

Олар – 1989, 1992 және 1996 жылдары туған ер азаматтар. Оның екеуі Қарағанды облысының тұрғыны, ал біреуі Өзбекстан азаматы. «Барлық күдікті азаматтарды Алматы қаласы Полиция департаментінің криминалдық басқарма қызметкерлері Қарағандыда ұстады», – деп хабарлайды Департамент полициясында.   

Қазіргі уақытта күдіктілер Алматыға жеткізіліп, тергеу үшін қамауға алынды. Сот алдындағы тергеу ҚР Қылмыстық кодексінің 192-бабы 2-бөлімі бойынша қарастырылады.

Айта кету керек, 20 қаңтарда Алматыда букмекерлік кеңсені тонамақ болған үш ер адам күзетшіні аяусыз соққыға жығып кеткен болатын. Қанды оқиға Абай мен Саин көшелерінің қиылысындағы «Пари-Матч» букмекерлік кеңсесінде болған.

Хабар 24 телеарнасы