389,65 428,03 6.01
+7 (7172) 757 485 24kz@khabar.kz
ҚАЗ


Тараздағы жарылыс болған үй қайта жөнделеді

  • 1049
  • UPD: 23:09, 28.02.2019

Тараздағы жарылыс болған көпқабатты тұрғын үй қайта қалыпқа келтірілетін болды, деп хабарлайды «Хабар 24».

Үйдің шатыры мен жертөлесі толықтай күрделі жөндеуден өткізіледі. Сонымен қатар үйдің төңірегі абаттандырылады. Бұл жөнінде облыс әкімінің бірінші орынбасары Бекболат Орынбеков арнамызға берген сұхбатында айтты. Қазір арнайы мамандандырылған мекеме қызметкерлері жөндеу жұмыстарын қалай жүргізу қажеттігін зерттеп, зерделеп жатыр. Мамандар үйдің қалған бөлігін жарамды деп тауып, 4 подъездің тұрғындары пәтерлеріне қайта қоныстандырылды. Су, жылу, газ, электр энергиясы қайта қосылды. Енді зардап шеккендерге келген шығын көлемі есептеліп жатыр.

Бекболат Орынбеков, облыс әкімінің бірінші орынбасары:

- Бұзылатын болса, біз оның қорытындысын ала алмайтын едік. Бірінші қорытындысы бойынша бұл үйлерге негізгі қайта жөндеу жұмыстарын келтіруге болады деп қорытындысын алып отырмыз. Ең күрделі мәселе бүгінгі таңда үйдің жөндеу жұмыстарына байланысты жобалық-сметалық құжаттаманы дайындауға қорытынды жасалып, ол жұмыстар басталады.

Хабар 24 телеарнасы