378,17 430.15 5.89
+7 (7172) 757 485 24kz@khabar.kz
ҚАЗ

Ақылы жолдардан бір айда 147 млн теңге түсті

  • 214
  • UPD: 14:12, 05.03.2019

Еліміздің ақылы жол учаскелерінен жаңа жүйе бойынша бір айдың ішінде 147 млн теңге қаржы жиналған.

Бұл туралы бүгін Үкімет отырысынан кейін өткен брифинг барысында Индустрия және инфрақұрылымдық даму вице-министрі Қайырбек Өскенбаев мәлімдеді. Министр орынбасарының айтуынша, биыл 4,5 мың шақырым жол қайта жаңартылады. Осылайша алдағы уақытта құрылыс жұмыстарын Қарағандыдан Алматыға және Ақтөбеден көршілес Ресей елінің шекарасына дейін жүргізу көзделген.

Қайырбек Өскенбаев, ҚР ИИД вице-министрі:

- Шамамыз келгенше ол жолдарды жөндеуге тырысып жатырмыз. Биыл бюджетте 162 млрд теңге қарастырылатын болса, Елбасы тапсырмасынан соң осы сан көбейіп, жылына 200 млрд теңгеден астам қаржы бөлінетін болады.

Хабар 24 телеарнасы