378,17 430.15 5.89
+7 (7172) 757 485 24kz@khabar.kz
ҚАЗ

Астанада көп балалы аналарға іс тігуді үйрететін шеберхана ашылды

  • 219
  • UPD: 15:12, 06.03.2019
Астанада көп балалы аналарға іс тігуді үйрететін шеберхана ашылды

Астанада көп балалы аналар мен жұмыссыз жүрген әйелдерге іс тігуді тегін үйрететін шеберхана ашылды. Қазір онда 15 қыз-келіншек тігіншіліктің қыр-сырын үйреніп қана қоймай, ұлттық қолөнер бұйымдарын да жасап жатыр.

Үй ішін безендіретін интерьер дизайнеріне де машықтануда. Кейіннен дайын өнімдерді сатып, одан түскен қаражатты шеберхананың шығындарына жұмсайды. Қалғанын өзара бөлісіп алады. Әлеуметтік жоба қоғамдық қордың бастамасымен іске асты. Қор жетекшісі АҚШ елшілігінің 25 мың доллар болатын грантын ұтып алып, жұмыссыз жүрген нәзік жандыларға көмек ретінде шеберхана ашуды жөн көрген.

Ләззат Алшынова, қоғамдық қордың жетекшісі:

- Бүгінгі күнде бізде көп балалы аналар, балалары мүгедек одан басқа көп қиындық көрген әйелдерге арнап осы шеберханамызды ашып жатырмыз. Өйткені оларға күні бойы балалармен жұмыс істеп отыру қиын ғой. Келіп кетіп 3-4 сағат жұмыс істеу ыңғайлы әйелдерге.

Хабар 24 телеарнасы