384,77 427,95 6.05
+7 (7172) 757 485 24kz@khabar.kz
ҚАЗ


БҚО-да табысы мен мүлкі туралы декларация тапсырмаған 285 мемқызметкер айыппұл төледі

  • 597
БҚО-да табысы мен мүлкі туралы декларация тапсырмаған 285 мемқызметкер айыппұл төледі

Батыс Қазақстан облысында соңғы 3 жылда өз табысы мен мүлкі туралы декларацияны уақытылы тапсырмаған 285 мемлекеттік қызметшіге мемлекеттік кірістер департаменті 24 миллион теңге айыппұл салып, толықтай өндіріп алған.

Мезгілінде кірістерін жария етпегендердің көпшілігі мемлекеттік қызметтен босатылғандар екен. Тиісті заңнамаға 2016 жылы енгізілген өзгерістерге сәйкес түрлі теріс себеппен қызметтен кеткендер де 3 жыл бойы декларация тапсырып тұруы тиіс. Ал мемлекеттік қызмет істері департаменті былтыр табысын жұрттан жасырған 44 тұлғаны анықтаса, биыл жыл басынан бері 24 лауазым иесіне шара қолданыпты.

Аманқос Жұбаныш, ҚР мемлекеттік қызмет істері агенттігінің БҚО департаменті басшысының орынбасары:

– Ағымдағы жылы 26 наурызға сәйкес мәлімет бойынша 24 әкімшілік хаттама толтырған. Оның 15-і – жаңағыдай мемлекеттік қызметтен теріс себеппен босатылған адамдар. Жалпы қазіргі кезде 946 мың теңгеге айыппұл салынса, соның 45 пайызы өз еріктерімен айыппұлдарын төледі.

Хабар 24 телеарнасы