379.36 421.60 5.87
+7 (7172) 757 485 24kz@khabar.kz
ҚАЗ


Қордайдағы ірі жол апаты: «Қауырт желі» ашылды

  • 427
  • UPD: 14:28, 20.04.2019
Қордайдағы ірі жол апаты: «Қауырт желі» ашылды almaty.astana.kz

Жамбыл облысында жол-көлік оқиғасынан жәбір шеккендердің туған-туысқандары үшін «қауырт желі» +7(7262) 513575 и +7(7262)514167 құрылды, деп хабарлайды «Хабар 24».

Еске сала кетейік, 20 сәуірде таңғы сағат 5-те Жамбыл облысының Қордай ауданында Алматы-Ташкент автожолының 181-шақырымында «Toyota Camry» маркалы автокөлік жолда кетіп бара жатқан жүк көлігіне соғылған.

Тасжол бойында артынан келе жатқан автобус автокөліктерге соғылмау үшін әрекеттенгенде, жолдан шығып кеткен.

Салдарынан оқиға орнында 8 адам қаза тауып, 32 адам медициналық мекемелерге жеткізілді, алған жарақат салдарынан тағы да 3 адам ауруханада қайтыс болды. Оқиға орнына облыс әкімінің бірінші орынбасары Б.Орынбеков, облы прокуроры Ж.Құсайынов, облыстық полиция, төтенше жағдайлар департаменттерінің, және қорғаныс істері басқармасының басшылары барды.

Апаттан құтқару жұмыстарына 50 адам және жедел-құтқару, апатты апатты медицина қызметінің және облыстық полиция департаментінің 15 техникасы, сондай-ақ ІІМ ТЖК «Қазәуеқұтқару» қызметінің тікұшағы қатысты. Сондай-ақ оқиға орнына ҚР Қорғаныс министрлігінің әскери қызметшілері мен арнайы техникасы бөлінді. Әскери госпиталға 8 жәбірленуші жеткізілді.

Жол-көлік оқиғаларынан зардап шеккендерге медициналық көмек көрсету үшін облыстық денсаулық сақтау басқармасының бастығы М.Жаманқұлов тәжірибелі үш хирургті алып оқиға орнына келді. Жол-көлік оқиғасы фактісі бойынша Қазақстан Республикасы Қылмыстық кодексінің 345-бабы 4-бөлігі бойынша сотқа дейінгі тергеу басталды. Ішкі істер министрінің тапсырмасы бойынша ІІМ мен облыстың полиция департаменті қызметкерлерінен жедел-тергеу тобы құрылды. Автокөліктер жүргізушілерінің кінәсі тергеу барысында сот-сараптамасының қорытындысы ескеріле отырып, анықталатын болады.

Хабар 24 телеарнасы