380,56 429.20 5.98
+7 (7172) 757 485 24kz@khabar.kz
ҚАЗ


Алматыда Еуразиялық медиафорумның екінші күні өтіп жатыр

  • 109
  • UPD: 13:10, 23.05.2019

Еуразиялық медиафорумның екінші жұмыс күні өтуде. Ақпараттық ғасыр мен жаһанданған заманда көп болып пікір алысып, ортақ проблемаға бірлесіп жұмылу керек.

Бұл Алматыда өтіп жатқан Еуразиялық медиафорум қатысушыларының ортақ пікірі. 

- Әлем көз тіккен, ғаламдық проблемалардың шешімін күткен медиафорум қалай өтуде?  

Гүлжан Көленқызы, тілші:

- Алқалы жиынның екінші күні де маңызды мәселелер жайлы әлемдік сарапшылардың пікірімен ерекшеленбек. Қазір бір сағаттан соң медиафорумның салтанатты ашылуы болады. Онда еліміздің және шетелдің мемлекет қайраткерлерінің арнайы құттықтау хаттары оқылады деп жоспарланған. Айта кетейік, форумның бірінші күнінде, яғни кеше, әлемдік медиямамандардың шеберлік сабақтары өте жоғары деңгейде өтті. Білікті мамандардың тәжірибесі қатысушылардың үлкен қызығушылығын тудырды. Ал бүгін форум қатысушылары «Жаһанданусыз әлем дамудың жаңа үлгілерін іздейді» деген тақырыптағы мәжілісте бас қосады.Бүгін талқыланатын тағы бір өзекті тақырып, «Тұтыну дағдарысы». Энергетикалық ресурстың азаюы қазір әлемді алаңдатып отыр. Оған қоса азық-түлік тапшылығы да тығырыққа тіреуде. Сарапшылар адамзат алдында тұрған мәселелерді шешу үшін қандай технологияларды дамыту керек? деген сұраққа жауап іздейді.

Хабар 24 телеарнасы