379,60 431.00 6.04
+7 (7172) 757 485 24kz@khabar.kz
ҚАЗ


«Нұр-Сұлтан - Прага - Нұр-Сұлтан» бағытында жаңа әуе рейсі ашылды

  • 243
  • UPD: 12:02, 30.05.2019
«Нұр-Сұлтан - Прага - Нұр-Сұлтан» бағытында жаңа әуе рейсі ашылды newtvnews.ru

Бүгін «Нұр-Сұлтан - Прага - Нұр-Сұлтан» бағыты бойынша тұрақты әуе рейсінің тұсаукесер рәсімі өтті, деп хабарлайды ҚР ИИДМ Азаматтық авиация комитеті Фейсбуктегі ресми парақшасында.

«2019 жылдың 2 маусымынан бастап SCAT әуе компаниясы Қазақстан мен Чехия астаналары Нұр-Сұлтан және Прага қалалары арасында «Boeing 737» ұшағымен аптасына 2 рет тұрақты рейстерді орындайтын болады. Бұл рейстің ашылуы маршруттық желілерді дамытуға ықпал етіп, туризмді дамытуға және екі елдің транзиттік әлеуетін арттыруға үлес қосады» делінген хабарламада.

Жыл басынан бері Жуковский-Қарағанды, Жуковский-Көкшетау, Жуковский-Петропавл (ИрАэро), Алматы-Баку (AZAL авиакомпаниясы) бағыттарында жаңа халықаралық бағыттар ашылды. Сонымен қатар, 2 маусымнан бастап SCAT әуе компаниясы «Нұр-Сұлтан - Ұланбатыр - Нұр-Сұлтан» бағытындағы тұрақты рейстерді орындауды жоспарлап отыр.

Сондай-ақ, жыл аяғына дейін Қазақстан Республикасының Тұңғыш Президенті Н.А.Назарбаевтың тапсырмасына сәйкес «Нұр-Сұлтан-Токио» тікелей рейсін ашу жоспарланып отыр.

Хабар 24 телеарнасы