389,81 430,40 6.06
+7 (7172) 757 485 24kz@khabar.kz
ҚАЗ


Елордада мемлекеттік рәміздер күні 40-тан астам іс-шара өтеді

  • 472
  • UPD: 13:39, 03.06.2019
Елордада мемлекеттік рәміздер күні 40-тан астам іс-шара өтеді astana.gov.kz

4 маусым күні елімізде Мемлекеттік рәміздері күні атап өтіледі.

Елордада мереке құрметіне мемлекеттік мекемелерде, оқу орындарында, қала алаңдарында 40-тан астам тақырыптық, мәдени іс-шаралар өтеді, деп хабарлайды Нұр-Сұлтан әкімдігінің ресми сайты.

4 маусым күні Нұр-Сұлтандағы мемлекеттік мекемелерде жұмыс күні Қазақстан Республикасының Әнұранын орындаумен басталады.

Бұл күні мектептер мен колледждерде фото-конкурстар, кездесулер, викториналар ұйымдастырылып, патриотизм, еліміздің мемлекеттік рәміздерін білудің маңыздылығы және оның біздің мемлекетіміздің тарихындағы маңыздылығы туралы айтылады.

Сәкен Сейфуллин мұражай мен Тәуелсіздік сарайында тақырыптық көрмелер өтеді. Қаланың барлық кітапханаларында әдеби кештер өткізу жоспарланған.

Сол сияқты 4 маусым күні мемлекеттік рәміздерге арналған концерттер, дәрістер, «дөңгелек үстелдер», семинарлар ұйымдастырылады.

«Қазақстан Республикасының Мемлекеттік рәміздері туралы» Конституциялық Заң 2007 жылдың 4 маусымында қабылданды. Осы Заң негізінде жылда 4 маусым күні Қазақстан Республикасының мемлекеттік рәміздер күні атап өтіледі.

Мемлекеттік рәміздер – кез келген мемлекеттің ажырамас атрибуттарының бірі, оның бірегейлігі мен егемендігін бейнелейді. Қазақстан Республикасының мемлекеттік рәміздері – Мемлекеттік Ту, Мемлекеттік Елтаңба және Мемлекеттік Әнұран.

Хабар 24 телеарнасы