378,83 431.00 6.05
+7 (7172) 757 485 24kz@khabar.kz
ҚАЗ


Маңғыстау облысында 2 мыңға жуық адам әнұранды бір уақытта шырқады

  • 105
  • UPD: 14:48, 04.06.2019
Маңғыстау облысында 2 мыңға жуық адам әнұранды бір уақытта шырқады

Маңғыстау облысында бір мезетте 2 мыңға жуық адам Қазақстан Республикасының әнұранын шырқады.

Елдіктің нышаны саналатын мемлекеттік рәміздерді ұлықтауға арналған патриоттық шаралар аймақтағы барлық қала, аудандарының орталық алаңдарында өтті. Ақтаудағы ең биік ту тігілген алаңға 500 мемлекеттік қызметкер жиналып, ашық аспан астында әнұранды жатқа айтты. Оларға қала тұрғындары да қосылды. Сондай-ақ бұл күні бірқатар жас мемлекеттік қызметкер ант қабылдады. Айта кету керек, еліміздің мемлекеттік туы мен әнұраны Азия мен бүкіл әлемнің ең биік шыңдары – Памир тауының Ленин шыңына және Эвересте 8 мың 800 метрге көтеріліп, шырқалған.

Қайролла Ережепов, 1991-1993 жж ҚР Жоғары кеңесі төрағасының орынбасары:

- Осы мемлекеттік рәміздердің алдын ала дайындалып, соның қабылданғанына куә болған адаммын. Заңды осы күні Президент Назарбаев қол қойса, соның артында жеті адамның қолдары қойылған, сол жетеудің бірі менің қолым болатын маңғыстаулықтардың берген мүмкіндігінің арқасында. Қай-қай жерде жүргенде де мемлекеттік рәміздер, сен үлкен бір мемлекетке, танымал мемлекетке қатынасың бар екенін, соның мүшесі екеніңе әрқашанда қуанып, керемет күш билейді. Бүгінгі мерекемен бүкіл Қазақстан халқын құттықтаймын.

Жібек Сырлыбаева, жас мемлекеттік қызметші:

- Мен бүгін Қазақстан республикасының мемлекеттік рәміздері күні осы жерде рәміздер алаңында жиналып, бүкіл мемлекеттік қызметкерлер қатарында өзім осы әнұранды айтқаныма өте қуаныштымын. Себебі бұл шараның арқасында көшеде кетіп бара жатқан тұрғындар да келіп, көрді, осы арқылы олардың жүрегінде патриоттық сезімдлі ояттық деп ойлаймын.

Хабар 24 телеарнасы