384,59 430.70 6.11
+7 (7172) 757 485 24kz@khabar.kz
ҚАЗ


Сайлау күні елордада 30 сәби дүниеге келді

  • 154
  • UPD: 18:43, 12.06.2019
Сайлау күні елордада 30 сәби дүниеге келді

Елордада кезектен тыс президент сайлауы күні 30 сәби дүниеге келген, деп хабарлайды «Хабар 24».

Бүгін олардың бірі перзентханадан шығарылды. Мемлекет басшысын ұлықтау рәсімімен тұспа-тұс келген Қарабала әулетінің қуанышымен біздің түсіру тобы бөлісіп қайтты. Үш келі 800 грамм салмақпен дүние есігін ашқан батырдың есімі – Қасым Құрал. «Қазақ тарихындағы Қасымдардың орны ерек. Біздің ұлымыз да еліне еңбегі сіңер азамат болатынына сенеміз», – дейді ата-ана.

Жаңарған Қарабала, қала тұрғыны:

– Өзіміз де толқып тұрмыз. Сіздер де көріп тұрсыздар Он бесінші ғасырдағы Қасым хан мен бүгінгі Президент Қасым-Жомарт Тоқаевты ұштастырып, есімін Қасым қойып отырмыз. Ата-әжесімен ақылдасып солай деп шешіп отырмыз.

Хабар 24 телеарнасы