378,45 426.20 6
+7 (7172) 757 485 24kz@khabar.kz
ҚАЗ


Елімізде жалған дәрі-дәрмек жасау жиіледі

  • 75
  • UPD: 23:42, 13.06.2019
Елімізде жалған дәрі-дәрмек жасау жиіледі Baq.kz

Еліміздегі дәріханаларда жалған дәрі-дәрмек сату деректері жиілеп кетті, деп хабарлайды «Хабар 24».

Халықаралық сарапшылардың айтуынша, Қазақстандағы рецептілік медициналық препараттардың тең жартысы дәрігердің тағайындауынсыз саудаланатын көрінеді. Ал дәрі-дәрмектің 10 проценті мүлдем жалған болып шықты. Бұл туралы бүгін Үкімет үйінде өткен баспасөз мәслихатында айтылды. Жауапты министрлік өкілдері келтірген дерек бойынша, көп жағдайда бағасы қымбат препараттар қолдан жасалады екен. Ал олардың айналымы соңғы 3 жылда едәуір артқан. Осыған байланысты Денсаулық сақтау министрлігі дәрілерді тағайындау мен сатуды реттейтін заң нормаларын күшейтуді қолға алды.  

Нұрлыбек Асылбеков, ҚР Денсаулық сақтау министрлігі комитет төрағасының орынбасары:

- Рецептісіз сатуды тоқтату қазір шыққан жоқ. 15 жылдан аса бұрын кіргізілген норма. Соған байланысты бізде тексерулер жүргізіліп тұрады. Қазіргі таңда біздің комитет тарапынан профилактикалық тексерулер, болмаса шағын тексерулер жүргізіледі.

Хабар 24 телеарнасы