386,01 428,94 5.83
+7 (7172) 757 485 24kz@khabar.kz
ҚАЗ


Арыста 7 мыңнан астам құрылысшы еңбек етіп жатыр

  • 139
  • UPD: 22:39, 04.08.2019
Арыста 7 мыңнан астам құрылысшы еңбек етіп жатыр

3 тамыздағы жағдай бойынша Арыста 7 мыңнан астам құрылысшы еңбек етуде.

Олардың басым бөлігі әскери полигонда болған жарылыстан толықтай бұзылған 413 үйді қайта салып жатыр, деп хабарлады ҚР Индустрия мен инфрақұрылымдық даму министрлігінің баспасөз қызметі.

Сондай-ақ бригаданың 17 секторында жеке тұрғын үй құрылысы мен көп пәтерлі тұрғын үйлерде 2 мың нысанға жөндеу жұмыстарын жүргізді. Осылайша, 6,5 мың үйде негізгі қалпына келтіру жұмыстары аяқталды. Бұл зардап шеккен Арыс тұрғын үй қорының 90% құрайды.

Еске сала кетсек, жуырда ҚР Премьер-Министрі Асқар Мамин Түркістан облысына жасаған жұмыс сапары барысында Арыс қаласындағы құрылыс және залал келген үйлер мен әлеуметтік, инженерлік нысандары жөндеу жұмыстарымен танысып шықты. Асқар Маминнің тапсырмасы бойынша, қалған жеке үйлердің жөндеу жұмыстары 10 тамызға дейін аяқталуы тиіс. Көп қабатты тұрғын үйлерді қалпына келтіру жұмыстары 20 тамызда бітуі керек. Сондай-ақ 20 тамызға дейін барлық әлеуметтік нысандар тапсырылуы шарт.

Хабар 24 телеарнасы