386,34 428,03 5.89
+7 (7172) 757 485 24kz@khabar.kz
ҚАЗ


«Мектепке жол»: Ақмола облысында 4000-нан астам оқушыға көмек көрсетілді

  • 91
  • UPD: 15:15, 13.08.2019
«Мектепке жол»: Ақмола облысында 4000-нан астам оқушыға көмек көрсетілді bnews.kz

Ақмола облысында биылғы «Мектепке жол» акциясы бойынша бүгінге дейін 4 мыңнан астам балаға оқуға қажетті құрал-жабдықтар сатып әперілді, деп хабарлайды «Хабар 24».

Бұл мақсатқа 52 млн теңге қаражат жұмсалған. Бұл туралы Білім басқармасы мәлімдеді. Қаржының басым бөлігі кәсіпкерлердің демеушілік көмегі. Жалпы аймақта қазір тұрмысы төмен отбасыларда тәрбиеленіп жатқан 13 мыңнан астам бала бар. Білім басқармасының өкілдері «олардың барлығы өз қажеттіліктеріне сай мектеп құралдарымен толық қамтамасыз етіледі», - дейді.

Айта кетейік, биылғы қайырымдылық акциясы «Жүректен жүрекке» деген атаумен 5 шілдеде басталды. Енді ол бұрынғыдай екі ай ғана емес, жыл бойы жүргізіледі.

Ботагөз Дүйсенова, облыстық білім басқармасы басшысының орынбасары:

- Аудандарда мемлекеттік және мемлекеттік емес ұйымдардың өкілдері, сонымен қатар әр түрлі меценаттар өздерінің көмектерін көрсетіп жатыр. Рюкзактар, мектепке керек құрал-жабдықтар, сонымен қатар мектеп формасын алып беріп жатыр. Енді әркімнің көмегі әртүрлі. Сондықтан алдағы уақытта бұл жұмыстар тағы да жалғастырылады.

Хабар 24 телеарнасы